Хаттар:

Ассаламу Iалайкум! Зудчунна тIера мархин сахь доккхуш цуьнгара пурба даккха дезий?

Жоп:

БисмиллахIир-рохьманир-рохьим

Ва Iалайкум ассалам ва рохьматуллахIи ва баракатухI!

Зудчунна тIера майрачо мархин сахь доккхуш хилча цуьнгара пурба даккхар важиб дац. И довзуьйтуш, Iелам-наха цу хьокъехь аьлларг дуьйцур ду вай.

Доьххьара, Имам Нававийс – Дала къинхетам бойла цунах – аьлла: «Шена тIера сахь даккхар тIедоьжна волчунна тIедужуш ду ша́ напха (рицкъа) латто дезачарна тIера сахь даккхар».[1] Ткъа, зуда майрачо напха (рицкъа) латто дезаш ю, цундела майрачунна тIехь ду цунна тIера сахь даккхар.

ТIаккха, Имамул-Хьарамайн Ал-Джувайнийс – Дала къинхетам бойла цунах – аьлла «НихIа́йатул-матIлаб» жайни тIехь:

«Вайн имамашна (шафиIийн мазхIабера Iелам-нахана) юкъахь къовсам хилла бац аьтту болуш волчу майрачо шен зудчунна тIера сахь доккхуш хилча, цо цуьнга хIумма а хетта дезаш ца хилар тIехь. Хьашт долуш хIума дац цкъа доьххьара цуьнан ниййат а хилла, тIаккха цо шен майрачуьнга иза шен метта даккхийтар. Майрачунна иза важиб хилла тIедоьжна хиларо хадош (дIадоккхуш) ду и санна хIума дагада́р».[2]

Оцу дешнийн маьIна доцца схьаделла Имам ГIаза́лийс, Дала къинхетам бойла цунах: «Майрачо зудчуьнгара пурба а доцуш (цуьнга хатта а ца хоттуш) сахь даккххича мегаш ду, бакъдолуш иза даккхаран кхайкхам шариIато цуьнга беш бу».[3]

Iелам-нехан цу дешнаша билггал гойтуш ду майрачо шен зудчунна тIера мархин сахь доккхуш хилча, цо цуьнга хIумма а хетта дезаш ца хилар.

Ткъа дика хуург сийлахь АллахI ву!

18.09.2009