Хаттар:

Ассаламу Iалайкум! Iуьйра ламазал тIаьхьа дIавижина волуш гIенах джунуб хилча (оралла араяларца лийчар тIедоьжча) марха духий? Йа дегIана цIано а йина дIакхаба мегар ду иза? Дела реза хуьлда!

Жоп:

БисмиллахIир-рохьманир-рохьим

Ва Iалайкум ассалам ва рохьматуллахIи ва баракатухI!

ГIенах оралла араялар бахьана долуш марха кхобучунна лийчар тIедоьжча – оцу хьолах «джунуб хилар» олу – марха доха ца духу, и хIума хиллачо шен марха кхидIа кхаба деза.

Имам Нававийс – Дала къинхетам бойла цунах – аьлла: «ГIенах лийчар тIедоьжча марха ца духу. Иза массо Iелам-нехан барт хилла хIума ду. ХIунда аьлча и хIума адаман лаамца хилла дац (цуьнга духатоха йиш йолчу кепара хилла дац)».[1]

Бакъду, и шена тIедоьжначу хIуманах цIанлуш лийча веза, цундела, кийра хи кхачарх ларлуш лийча а лийчина, шен марха кхидIа кхаба деза.

Дика хуург сийлахь АллахI ву!

30.08.2009