Хаттар:

Ассаламу Iалайкум! Сан пхьарс кагбелла гипс тоьхнера суна динна пхьаьрсана. И тухучу хенахь сан ламаз карахь дацара. Ас х Iун дан деза, и ламазаш доькхаш дан дези ас? Дела реза хил хьуна.

Жоп:

БисмиллахIиррохьманиррохьим.

АлхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Лераме ваша. ШафиIий мазхIабехь долчуьнца аьлча, и ламазаш юха дан деза ахь. Хьанафий а, маликий а мазхIабера Iеламнаха биллам лоруш бац гипс тIеюьллучу хенахь ламаз керахь хила дезар, цундела цара иштта дина ламаз юха дан ца деза аьлла. Ткъа вай хIара санна долчу хаттаршкахь жоп луш дерг шафиIий мазхIабехь дерг ду.

Дика хуург сийлахь веза волу АллахI ву.

07.11.2012 = ‏22‏.12‏.1433