|
|
| Видео |
|
Хаттар: Де дика дойла! МаIарш хедийна ваьлча хи хьакха деза йа ца деза?
Жоп: БисмиллахI, алхьамдулиллахI, вассолату вассаламу Iала росулиллахI! Далла езийла! МаIарш хедийначул тIаьхьа хи хьакхар дика хIума ду, дича дика а долуш, ца дича къа а доцуш долу хIума ду. Iеламнаха аьлла цу хьокъехь: «МаIарш хедийначул тIаьхьа пIелгийн буьхьигаш дIадилар суннат ду».[1] «МаIарш хедийначул тIаьхьа пIелгийн буьхьигашна хи хьакхар дика ду, цIано кхочушхилийтархьама».[2] Кхузахь «суннат» бохург а, «дика ду» бохург а – дича дика а долуш, ца дича къа а доцуш долу хIума ду. Цундела, маIарш хедийначул тIаьхьа шена луучо хи хьакхахь – иза дика хIума ду, цIано кхочушйеш хIума ду. Ца луучо ца хьаькхча хуьлуш къа а дац. Ткъа дика хуург сийлахь АллахI ву! 21.12.2010 = 15.01.1432 [1] Имам Ар-Рамлий, «ГIойатул-байан шархь зубад Ибн Раслан», 39 агIо. [2] Шейх ВахIбат Аз-Зухьайлий, «Ал-ФикъхIул-исламий ва адиллатухI», 1/407.
| КхидIа |